Parma in dialetto
A tutt j Amìgh Pramzàn
Comunichèmma che dala fén dal méz d’ agòsst 2008 l’é operatìv al blog
“parmaindialetto.blogspot.com”
ch’ a’v consìlli äd vizitär par tór ‘na bón’na bocäda äd Parmigianitè. Acsì óltra al sìt www.parmaindialetto.it , béle ezistént da lùjj dal 2004 indòvva sèmma drè a inserìr anca il paròli incrozädi in djalètt pramzàn con il dmàndi in italjàn, podrì vizitär al nóv blog. Ilj inserimént j’én äd colór blu p’r al tést in Italjàn e äd colór giäld p’r al djalètt Pramzàn, acsì il dò scrìtti j’én cme i colór äd Pärma. In-t-al stés blog a vén inserì tutt il stmàni il “Pagéli di Crozè in djalètt Pramzàn” chi vénon publicädi al lundì insìmma ala Gazètta äd Pärma.
In-t-l’ ùltom inserimént.
Al 15° anivarsäri ädla mòrta äd Pédor Barilla con la poezìa “Al Cavalier” scrìta dal poéta djaletäl Pramzàn Umberto Tamburén e dedicäda a Pédor Barilla.
